2. april 2006

Skitur - på bortoverski

Etter at eg har oppdaga gleda ved å bli dregen opp bakkar av skitrekk, for så å renne ned igjen, har det blitt lite bortoverski siste åra, men laurdag var eg faktisk på ein slik tur, og det var ein ganske bra opplevelse. Turen, som var i regi av student-krik, starta om lag 10.30, frå trikkehaldeplassen "down town", men sidan vi, Marie, Randi og underteikna, følte oss sinnsjukt spreke, og kanskje hadde lyst å sove berre litt til, tok vi ein seinare trikk, for så å prøve å finne dei andre inne i skogen.

Vel framme på Lian var det klart for smøring av ski. Medan jentene styrte med det, kunne eg på mine lånte, smørefrie ski, finpusse på skøyteteknikken min, og konstantere at eg ikkje har nokon skøyteteknikk. Å ha smørefrie ski skulle vise seg å vere veldig bra denne dagen, for medan eg kunne "danse" meg gjennom skogen, veksla skia til dei to andre mellom å vere både fram- og bakglatte, og å klabbe skikkelig.
Etter mange telefonar, og ein liten strafferunde, traff vi på Oddvar, ein representant for resten av turlaget, og kom oss til leirstaden. Der var bålet tent, stemninga bra, og vi fekk i oss obligatorisk turproviant som kvikk-lunsj, appelsiner, kakao og anna småtjafs. På toppen av det heile var sola innom på ein liten visitt, og eg fekk 7 nye fregner. Bra dag.

2 kommentarer:

Anonym sa...

Hei Olav

Takk for at du gir meg lov å være innom bloggen din. Koselig å lese om skitur til Lian da, det er nå fint på "bortoverski" også. Vi har gått mye på ski i Bymarka, mange fine turer en kan gå der. Jeg ønsker deg ei riktig god påske.
Hilsen fra Lillian

Anonym sa...

Du har den dårligst oppdaterte bloggen jeg jevnlig sjekker... *hint-hint*